საქართველო მთელ მსოფლიოში ცნობილია თავისი უძველესი მეღვინეობის ტრადიციებითა და გამორჩეული სპირტიანი სასმელებით. თუმცა, ქართული ოსტატობა მხოლოდ ღვინითა და ჭაჭით არ შემოიფარგლება.

ქართველი დისტილერების ახალი თაობა ქართული ხასიათის მქონდე სხვადასხვა კატეგორიის მქონდე სასმელებს ქმნის — მათ შორის ჯინი.

დისტილერია გოლდსმიტში ჩვენი ქართული მშრალი ჯინი მარტივი იდეით შევქმენით: აგვეღო კლასიკური მშრალი ჯინის სტრუქტურა და მისთვის მკვეთრად ქართული იდენტობა მიგვენიჭებინა.

შედეგად მივიღეთ საქართველოში დამზადებული ჯინი, რომელიც აერთიანებს საგულდაგულოდ შერჩეულ რეცეპტს, ჩვენს საკუთარ, ჰიბრიდული გამოხდის მეთოდსა და ქართულ ხასიათს.

რა არის მშრალი ჯინი (London Dry Gin)?

მშრალი ჯინი მსოფლიოში ჯინის ერთ-ერთი ყველაზე ცნობილი სტილია.

მიუხედავად სახელწოდებისა, აუცილებელი არ არის, რომ London Dry Gin ლონდონში იწარმოებოდეს. ეს ტერმინი უფრო კონკრეტულ სტილსა და წარმოების მეთოდს აღწერს, ვიდრე სახდელი ქარხნის გეოგრაფიულ მდებარეობას.

London Dry ჯინი ღვიაზეა დაფუძნებული, რაც ამ სასმელის მთავარ განმსაზღვრელ მახასიათებლად რჩება. სხვა ინგრედიენტების გამოყენება დამატებითი არომატისა და გემოს შტრიხების შესაქმნელად ხდება.

ზოგიერთი თანამედროვე სტილის ჯინისგან განსხვავებით, London Dry ჯინი ტრადიციულად აქცენტს აკეთებს სუფთა, მშრალ და ღვიის დომინანტურ პროფილზე და არა სიტკბოზე. ეს მას შესანიშნავ ბაზად აქცევს ისეთი კლასიკური კოქტეილებისთვის, როგორიცაა ჯინ-ტონიკი, მარტინი და ნეგრონი.

რით განსხვავდება Goldsmith-ის ჯინი?

დისტილერია გოლდსმიტში ჩვენს კლასიკურ London Dry ჯინთან მიმართებით ჩვენებურ მიდგომას ვიყენებთ. ნაცვლად იმისა, რომ რეცეპტი ინგრედიენტების გრძელი სიით გავავსოთ, ჩვენ მხოლოდ ოთხ ინგრედიენტს ვიყენებთ.

ამ ოთხიდან ერთ-ერთი ქართული ველური ღვიაა, რომელიც ჩვენი ჯინის საფუძველს ქმნის და სასმელს საქართველოს ბუნებასთან პირდაპირ აკავშირებს.

ჩვენ გვჯერა, რომ გამორჩეულ ჯინს ათობით ინგრედიენტი არ სჭირდება. საგულდაგულოდ შერჩეული ოთხი ინგრედიენტისგან შემდგარ რეცეპტში თითოეულ ინგრედიენტს მკაფიო როლი აქვს საბოლოო პროდუქტში. შედეგი არის უფრო კლასიკური, ძლიერი პროფილი, რომელშიც ინგრედიენტები ჰარმონულად ერწყმიან ერთმანეთს.

ამ კონკრეტული ჯინი ფილოსოფია მარტივია:

• ნაკლები ინგრედიენტი
• მეტი კონტროლი პროცესზე
• უფრო მკაფიო ხასიათი, ყველასთვის ნაცნობი კლასიკური ჯინი

მთავარი გამოწვევა ის კი არ არის, თუ რამდენი ინგრედიენტის ჩართვა შეუძლია დისტილერს რეცეპტში. გამოწვევა ისაა, თუ რამდენად კარგად ერწყმის ეს ინგრედიენტები ერთმანეთს.

ქართული ველური ღვია — ჩვენი ჯინის საფუძველი

ღვია ნებისმიერი London Dry ჯინის განმსაზღვრელი ინგრედიენტია და ჩვენ გვსურდა, რომ ეს არსებითი კომპონენტი საქართველოსთან ნამდვილ კავშირში ყოფილიყო.

ჩვენს კლასიკურ London Dry ჯინში ოთხიდან ერთ-ერთ ინგრედიენტად სწორედ ქართულ ველურ ღვიას ვიყენებთ. ეს ჩვენთვის მნიშვნელოვანია, რადგან ჩვენი მიზანი არ არის უბრალოდ London Dry ჯინის დამზადება. ჩვენ გვინდა, რომ თავად სასმელი ატარებდეს იმ ადგილის ხასიათს, სადაც ის იქმნება.

ღვია ქმნის ჯინის საფუძველს, ხოლო დანარჩენი სამი ბოტანიკური ინგრედიენტი საგულდაგულოდაა შერჩეული, რათა შეავსოს იგი და შექმნას საბოლოო ბალანსი.

ჩვენი ჰიბრიდული გამოხდის მეთოდი

რეცეპტი ჩვენი მიდგომის მხოლოდ ერთი ნაწილია. დისტილერია გოლდსმიტში ჩვენ ვიყენებთ გამოხდის ჰიბრიდულ მეთოდს, რომელიც აერთიანებს ექსტრაქციის ორ განსხვავებულ მიდგომას. ეს საშუალებას გვაძლევს, გამოხდის ერთ პროცესში გავაერთიანოთ პირდაპირი ექსტრაქცია და ორთქლით ინფუზია.

• ინგრედიენტები ქვაბში: უშუალოდ ქვაბში მოთავსებული ინგრედიენტები გაცხელებისა და გამოხდის დროს სპირტში იძირება. ეს მეთოდი სპირტს საშუალებას აძლევს, შერჩეული ინგრედიენტებიდან უფრო ღრმა არომატები და მახასიათებლები ამოიღოს.
• ინგრედიენტები ჯინის კალათაში: დანარჩენი ინგრედიენტები თავსდება ე.წ. „ჯინის კალათაში“ (gin basket). სითხეში უშუალოდ ჩაძირვის ნაცვლად, მათზე ზემოქმედებს ალკოჰოლით მდიდარი ორთქლი. ორთქლით ინფუზიის ეს მეთოდი საშუალებას გვაძლევს, შერჩეული არომატები განსხვავებული გზით გამოვყოთ რაც თავის მხრივ საშუალებას გვაძლევს შევინარჩუნოთ მეტად დელიკატური და ნაზი არომატები რაც სხვა შემთხვევაშ ტემპერატურის ზემოქმედებით დაიშლებოდა და საბოლოო პრპდუქტში ვერ აისახებოდა.

რატომ ვაერთიანებთ ორივე მეთოდს?

ჩვენ არ მიგვაჩნია, რომ ყველა ინგრედიენტს ზუსტად ერთნაირად უნდა მოვექცეთ. ზოგიერთი ინგრედიენტისთვის უმჯობესია ქვაბში პირდაპირი ექსტრაქცია, სხვებისთვის კი ორთქლით ინფუზია უფრო შესაფერისია. ოთხი ინგრედიენტის ამ ორ მეთოდს შორის გადანაწილებით, ჩვენ ვკონტროლებთ თითოეულის წვლილს საბოლოო სასმელში.

რატომ მხოლოდ ოთხი ინგრედიენტი?

თანამედროვე ჯინი ხშირად გვხვდება უღტულესი რეცეპტებით. ზოგიერთი ჯინი შეიცავს ათ, თხუთმეტ, ოც ან მეტ ინგრედიენტს. ამან შეიძლება საინტერესო სასმელები შექმნას, მაგრამ სირთულე ავტომატურად არ ნიშნავს ხარისხს.

ოთხი ინგრედიენტი სრულიად საკმარისია, როდესაც თითოეული მათგანი საგულდაგულოდ არის შერჩეული და სწორად გამოხდილი. უფრო მცირე რეცეპტი ასევე გვაძლევს მეტ კონტროლს ხარისხსა და სტაბილურობაზე, ჩვენი მიზანია შევქმნათ ჯინი, რომელიც მარტივად გასაგებია, მაგრამ არ არის მოსაწყენი და ცარიელი. ის უნდა იყოს მარტივად ამოსაცნობი როგორც London Dry ჯინი და ამავე დროს, ჰქონდეს საკმარისი ხასიათი იმისათვის, რომ კიდევ ერთი ყლუპის დალევის სურვილი გაგიჩინოთ.

ქართული ხასიათი თანამედროვე ჯინში

მაშ, რა აქცევს ჯინს ქართულად? ჩვენთვის ქართულობა მხოლოდ ბოთლზე ქართული სახელის დაწერას არ ნიშნავს. ის გულისხმობს იმას, რომ საქართველოს ხასიათმა და ჩვენმა გამოცდილებამ გავლენა მოახდინოს სასმელზე. საქართველოში ფერმენტაციისა და გამოხდის ხანგრძლივი ტრადიცია არსებობს. დისტილერია გოლდსმიტში ჩვენ ამ იდენტობას ვაერთიანებთ თანამედროვე აღჭურვილობასთან, კონტროლირებად წარმოებასთან და ჯინის საერთაშორისოდ მიღებულ ხასიათთან.

როგორი გემო აქვს Goldsmith-ის ქართულ London Dry ჯინს?

Goldsmith Georgian London Dry Gin შექმნილია კლასიკური London Dry ჯინის ცნობადი ხასიათის გარშემო, ამავდროულად კი გვთავაზობს საკუთარ, გამორჩეულ პროფილს. პირველი შთაბეჭდილება ღვიასა და სუფთა არომატზეა აგებული. სასმელის გახსნასთან ერთად, სხვა ინგრედიენტები არომატისა და გემოს დამატებით შრეებს ავლენენ.

გემოზე ჯინი მშრალი და სტრუქტურირებულია, ბოტანიკური ხასიათი კი ბოლომდე ნარჩუნდება.

როგორ მივირთვათ

ჩვენი ჯინის დაგემოვნების ერთ-ერთი ყველაზე მარტივი გზა კლასიკური ჯინ-ტონიკია. კარგი ტონიკი, ბევრი ყინული და მარტივი გარნირი საშუალებას აძლევს ოთხინგრედიენტიან პროფილს დარჩეს სასმელის ეპიცენტრში. ის ასევე იდეალურია კლასიკური კოქტეილებისთვის:

• მშრალი მარტინი (Dry Martini): მარტინი ჯინის დაგემოვნების ერთ-ერთი საუკეთესო გზაა, რადგან შედარებით ცოტა ინგრედიენტი კონკურირებს მთავარ სასმელთან.
• ნეგრონი (Negroni): ჯინის ბოტანიკური ხასიათი ტკბილ ვერმუტთან და მწარე აპერიტივთან ერთად ქმნის დაბალანსებულ და კომპლექსურ კოქტეილს.
• ჯინ საუერი (Gin Sour): ამატებს ციტრუსს და მჟავიანობას, რაც ჯინის უფრო ნათელ გამოხატულებას ქმნის.

რატომ შევქმენით ქართული London Dry ჯინი

დისტილერია გოლდსმიტი 2019 წელს დაარსდა. თავიდანვე ჩვენი ფილოსოფია იყო გამოხდის საკუთარი მიდგომის შექმნა და არა უბრალოდ იმის კოპირება, რაც უკვე არსებობს.

ჯინი საერთაშორისო სასმელია, თუმცა ეს არ ნიშნავს, რომ ყველა ჯინს ერთნაირი გემო უნდა ჰქონდეს. ჩვენ გვინდოდა შეგვექმნა ჯინი, რომელიც მიჰყვება ცნობად საერთაშორისო სტილს და ამავე დროს ატარებს იმ ადგილის იდენტობას, სადაც ის მზადდება.